როგორ მოვრთოთ ნაძვის ხე 2012 წელს..

2012 წელს ნაძვის ხის მორთვას განსაკუთრებული ყურადღება უნდა მივაქციოთ. იგი უკეთესია თუ იქნება ბუნებრივი და სიმეტრიული ფორმებით. დრაკონს მოსწონს ყველაფერი სუფთა და სიმეტრიული. ნუ გადატვირთავთ ნაძვის ხეს სათამაშოებით, ფერების პრიორიტეტების თვალსაზრისით უმჯობესია სამი ფერი გამოვიყენოთ: თეთრი, ნარინჯისფერი (ოქროსფერი), ვერცხლისფერი; ნაკლებად უნდა იყოს წარმოდგენილი ლურჯი, მწვანე და წითელი ფერები.

იმ შემთხვევაში, თუკი ბუნებრივი ნაძვის ხე არ გვაქვს, ხელოვნური ნაძვის ხე გავაწყოთ თეთრი, ოქროს ფერით და მწვანე ფერებით. კარგი იქნება ნაძვის ხის გვერდით ჩიჩილაკის დადება. შემოსასვლელი კარი შემოსეთ ნაძვის ტოტებით, ტოტებს გამოაბით ბაფთები, რომელიც ყვითელი-მწვანე ფერის იქნება.

2012 წელს ძალიან პოპულარულია ნაძვის ხის მორთვის აღმოსავლური სტილი. თუ თქვენი ნაძვის ხის მორთვას ასე გადაწყვეტთ, მაშინ უპირატესობა ოქროსფერსა და წითელს მიანიჭეთ.

მას შემდეგ, რაც ჩამოყალიბდებით თუ რა ფერებში გინდათ მორთოთ ახალი წლის მთავარი ატრიბუტი, ჯერი უკვე სათამაშოების შერჩევაზე დადგება. ამ წელს ნაძვის ხეზე ყველანაირი სათამაშოს ჩამოკიდება შეგიძლიათ. მთავარია წლის ოთხი ფერი - შავი, ოქროსფერი, ცისფერი და ლურჯი გამოიყენოთ.

ნაძვის ხის მორთვა თემატურადაც შეგიძლიათ. მაგალითად: ავიღოთ წყლის დრაკონის თემა. ნაძვის ხეზე ამ შემთხვევაში შეგიძლიათ პატარა ცისფერი და შავი ფერის დრაკონები ჩამოკიდოთ. მიამატოთ ფიფქები, ქაღალდის დოქები, ნიჟარები.

კიდევ ერთი იდეა 2012 წლის ნაძვის ხის მოსართავად დათოვლილი ეფექტია. ამისთვის საჭიროა ნაძვის ხის ტოტებს ჩვეულებრივი წებო წაუსვათ და მას დაქუცმაცებული პენოპლასტი დააყაროთ ან უბრალოდ თმის მბრწყინავი ლაქი დაასხათ.

2012 წლის ნაძვის ხის მორთვისას მთავარი არ უნდა დაგვავიწყდეს. იგი აუცილებლად სიყვარულითა და უკეთესი მომავლის რწმენით უნდა მოვრთოთ. მაშინ ახალი წელი ნამდვილად მოგვიტანს წარმატებას, ბედნიერებას, სიყვარულს და ჯანმრთელობას